Is é atá sa léacht seo ná turas Sheosaimh Mhic Grianna le linn dó a bheith ag obair don Ghúm, comhlacht foilsitheoireachta an stáit, agus é ina chónaí i mBaile Átha Cliath idir na blianta 1928 agus 1938. Turas nó léarscáil litríochta atá ann ar an iliomad áiteanna a raibh Seosamh ag fanacht le linn na tréimhse is cruthaithí agus is bisiúla dá shaol agus é ag saothrú litríochta idir aistriúcháin agus phrós agus obair iriseoireachta. Dúirt Seosamh gur dheacair leis fanacht in aon áit amháin níos mó ná ráithe, ach is léir anseo ón rogha den ábhar a bhí á scríobh aige cé chomh gnóthach is a bhí sé. Tugann an chamchuairt liteartha seo ar Bhaile Átha Cliath fianaise ar ionad ceilte na Gaeilge i saol na cathrach, agus cuirfidh an léacht seo leis an aithne agus leis an eolas atá againn ar Sheosamh Mac Grianna mar dhuine agus mar scríbhneoir.
Seosamh Mac Grianna, author of the strange masterpiece Mo Bhealach Féin, lived in Dublin from 1928 to 1938. During that period, he moved restlessly from one address to another, whilst making a living from journalism and translating writers such as Joseph Conrad to Irish for the state publishing house An Gúm. In this special lecture, Gearóidín Uí Laighléis takes us on a journey to the heart of Mac Grianna’s Dublin, giving us a new view of Mac Grianna both as a person and as a writer.
The Teachers’ Club, 36 Parnell Square, Dublin 1
Cead isteach/admission: €10
Book here
