An bhfuil fonn ort Gaeilge a fhoghlaim nó do chuid Gaeilge a fheabhsú? B’fhéidir gur mhaith leat comhairle nó moltaí ar conas do Ghaeilge a chleachtadh le daoine ar bhealach réchúiseach, taobh amuigh den seomra ranga. Tá borradh tagtha ar líon na gcainteoirí laethúla i mBaile Átha Cliath agus tá BÁC le Gaeilge anseo le cúnamh a thabhairt leis an nGaeilge sa phobal a chur chun cinn.
Ar mhaith leat d’imeacht Gaeilge féin a chruthú? Tá sé an-simplí d’ócáid féin a eagrú, níl gá go mbeidh sé casta.
Tá liosta de shamplaí curtha le chéile againn a chabhróidh leat agus tú ag bunú do chéad imeachta:
Is iomaí Ciorcal Comhrá atá ar siúl ar fud na tíre. Tá grúpaí éagsúla in oiriúint do gach leibhéal agus cumas teanga. Tugann na ciorcail chomhrá seo deis do dhaoine a gcuid Gaeilge a úsáid, is cuma más foghlaimeoir le cúpla focal iad nó cainteoir dúchais atá ag iarraidh bualadh le daoine nua a bhfuil Gaeilge acu. Creideann Conradh na Gaeilge nach bhfuil slua de dhíth le daoine a chur ag labhairt i nGaeilge i ngach cearn den tír – is leor beirt.
Tá sé an-éasca grúpa nua Caint & Comhrá a bhunú – níl ag teastáil ach go mbuailfidh grúpa beag le chéile i gcaife áitiúil nó sa bhialann san ionad oibre le comhrá le chéile i nGaeilge ar bhonn rialta. Cuireann beirt chainteoirí Gaeilge fáilte roimh dhaoine eile le spéis sa teanga ag gach ionad a ghlacann páirt i scéim an Chonartha gach seachtain nó gach mí.
Níl aon chostas nó am breise de dhíth chun páirt a ghlacadh i ngréasán Gaeilge Is Leor Beirt, toisc go mbeadh seo ag am lóin nó sos caife a bheadh á ghlacadh ag daoine ar aon nós, ach beidh sé á ghlacadh acu i suíomh éagsúil anois i dteannta daoine eile sa tsuim sa teanga. Nuair atá am, áit agus sonraí teagmhála agat don chiorcal comhrá, seol na sonraí chuig: caint@cnag.ie nó is féidir é a chlárú mar imeacht ar BÁC le Gaeilge.ie féin.
Feiniméan nua-aimseartha í Pop Up Gaeltacht a spreagann daoine cibé Gaeilge atá acu a úsáid. Eagraítear i dtithe tabhairne iad go hiondúil in áit go mbíonn daoine ar a gcompord agus a mbíonn atmaisféar dearfach, taitneamhach ann.
Is coincheap foinse-oscailte é Pop Up Gaeltacht. Is le gach duine í agus ní le haon duine í. Roghnaítear dáta amháin agus buailfear le chéile chun an Ghaeilge a labhairt. Bíodh sé an lá céanna gach mí – an Aoine deiridh mar shampla, ionas go gcuimhneoidh daoine ar.
Thíos tá lógónna Pop Up Gaeltacht ar fáil. Nuair atá dáta roghnaithe agat, cruthaigh póstaer agus lean na céimeanna seo a leanas:
1
Beár ar bith is mian leat - is cuma cé ceann!
2
Cuir fáilte roimh chách le bolscaireacht i nGaeilge amháin.
3
Tá sé níos taitneamhaí gan áit faoi leith a chur in áirithe, táimid mar chuid den phobal, ní scoite amach uaidh.
4
Ná cur siamsaíocht ar fáil thar mar a bheadh sa bheár pé scéal é.
5
Cruthaigh ócáid ar BÁC le Gaeilge.ie agus roinn ar na meáin shóisialta é (le gur féidir linn í a roinnt).
Dírithe ar fhoghlaimeoirí Gaeilge den chuid is mó, tugann sé deis do dhaoine cibé Gaeilge atá acu a chleachtadh.
Níl rud ar bith de dhíth seachas comhluadar. Is deis iontach í Gaeilge laethúil a chleachtadh. Nuair atá an chéad imeacht Tae & Plé forbartha agat, ní mór duit dáta a roghnú don chéad imeacht eile ionas go mbeidh dul chun cinn rialta ar chaighdeán Gaeilge an ghrúpa.
Líon amach an t-eolas thíos le do gnó a chlárú linn
