Cad atá ann?
Bígí linn ag Gaelathon, an chéad rás trí Ghaeilge riamh! Déan ceiliúradh ar an nGaeilge agus glac páirt i rás 5km a rith i gcroílár BÁC.
Is cuma más reathaí thú a bhfuil seantaithí agat, más reathaí réchúiseach thú, nó más duine thú atá ag iarraidh an t-atmaisféar a shú isteach – tá fáilte roimh chách.
Reáchtálfar an rás i suíomh álainn i bPáirc an Fhionnuisce in aice leis an ionad stairiúil, Dún na hArmlainne.
Bronnfar bonn speisialta ar gach rannpháirtí in ómós na hócáide agus beidh ceol, craic agus go leor eile ag an gcríochlíne ar an lá.
Tá dromchla na slí réidh agus indéanta do gach saghas reathaí. Beidh fáilte roimh fhoghlaimeoirí Gaeilge agus daoine a bhfuil ardchaighdeán Gaeilge acu araon.
Cad atá san áireamh?
- Bonn speisialta deartha ag ealaíontóir Nine Arrow do Gaelathon
- Do am reatha
- Sólaistí agus féiríní iontacha ag an gcríochlíne
- Deis grianghraf a ghlacadh ar an bpóidiam
- Atmaisféar den scoth
Tá Gaelathon á n-eagrú ag BÁC le Gaeilge, Club Reatha
Céim ar Chéim agus Oifigeach na Gaeilge,
Oifig na nOibreacha Poiblí.
Sonraí
Ticéad: €15 (+ táille áirithinte)
Dáta: 11/10/2026
Am: 9.30am
Suíomh: Páirc an Fhionnuisce
Eolas Tábhachtach do Rannpháirtithe
Trí chlárú don Gaelathon, glacann rannpháirtithe leis na nithe seo a leanas:
- Ní mór do rannpháirtithe a bheith 16 bliana d’aois nó níos sine ar lá na hócáide.
- Iarrtar ar rannpháirtithe teacht 30 nóiméad ar a laghad roimh am tosaithe na rása chun dóthain ama a thabhairt don chlárú/seiceáil isteach agus don eolas réamh-rása.
- Ba cheart do rannpháirtithe a chinntiú go bhfuil siad sláintiúil agus ábalta páirt a ghlacadh agus gan páirt a ghlacadh má tá siad tinn nó gortaithe.
- Ní mór do rannpháirtithe an bealach ainmnithe a leanúint agus treoracha ó lucht eagraithe na hócáide, ó mhaoir agus ó phearsanra garchabhrach a leanúint i gcónaí.
- Coimeádann na heagraithe an ceart an bealach, an t-am tosaithe nó socruithe na hócáide a athrú, nó an ócáid a chur siar nó a chur ar ceal más gá ar chúiseanna sábháilteachta nó mar gheall ar chúinsí nach bhfuil faoina smacht.
- Beidh grianghraif agus físeáin proifisiúnta á nglacadh le linn an Gaelathon ar mhaithe le poiblíocht agus cur chun cinn sna meáin cumarsáide.
- Ba cheart do rannpháirtithe eolas cruinn clárúcháin a chur ar fáil, agus na heagraithe a chur ar an eolas faoi aon eolas ábhartha a d’fhéadfadh tionchar a imirt ar a gcumas páirt a ghlacadh go sábháilte.
- Tá gach rannpháirtí freagrach as a shábháilteacht agus a fholláine féin agus iad ag glacadh páirte sa Gaelathon.
- Tá rannpháirtithe freagrach as a gcuid earraí pearsanta féin le linn na hócáide.
